Aleksey Qay: “Borussiya” ilə oyuna yaxşı əhval-ruhiyədə çıxmaq vacibdi”

“Bu qələbəni hesabımıza yaza bilərik. Qol vurmaq üçün çox şanslarımız oldu”. Futbolxeber.az saytına müsahibəsində bu sözləri “Qəbələ”nin aparıcı üzvü Aleksey Qay deyib.

Ukraynalı futbolçu bildirib ki, “Neftçi”ni 1:0 hesabı ilə məğlub etdikləri görüşdə komandası yaxşı çıxış edib: “Yaxşı oyun göstərdiyimizi düşünürəm. “Neftçi” də zəif rəqib deyil. Sona qədər mübarizə apardıq və yekunda istəyimizə nail olduq”.

Qay edib ki, Dortmund “Borussiya”sı ilə oyundan öncə qələbə qazanmaq komandası üçün vacib idi: “Avroliqa matçından öncə qələbə qazanmaq əlavə motivasiyadı. “Borussiya” ilə oyuna yaxşı əhval-ruhiyədə çıxmaq vacibdi”.

“Borussiya”dan xal almaq üçün “Qəbələ” necə oynamalıdı” sualını Qay belə cavablandırıb: “Bunu baş məşqçimiz deyəcək. Oyuna qədər lazım olan tapşırıqları alacağıq. “Borussiya”dan xal alsaq, bunun sensasiya hesab olunub-lunmayacağını söyləyə bilmərəm. İstənilən halda qrup mərhələsində qazanılan hər xal bizim üçün uğurdu”.