“Neftçi” Krasnodarda rəqib tanımır

“Neftçi”nin U-14 komandası Rusiyanın Krasnodar şəhərində təşkil olunan “Dəri top” turnirinin 3-cü matçında da qələbəni bayram edib. Futbolxeber.az-ın klubun rəsmi saytına istinadən verdiyi məlumata görə, bu gün baş tutmuş görüşdə "Neftçi" "Spiru Xaret" (Kişinyov, Moldova) komandasını 4:1 hesabı ilə üstələyib. Komandanın heyətində Valeh Qəhrəmanlı dubl edib, Musa Qurbanlı və Murad Abbaslı hərəyə bir dəfə fərqləniblər. 

“Neftçi” B qrupundakı 4-cü oyununu sabah “Nadejda” (Krasnodar, Rusiya) komandasına qarşı keçirəcək.

Xatırladaq ki, “Neftçi”nin yeniyetmə futbolçuları turnirin ilk matçında “Umed” (Düşənbə, Tacikistan) klubunu 3:0, ikinci görüşdə isə “Puls” (Yakutsk, Rusiya) klubunu 2:1 hesabı ilə məğlub edib.