“Neftçi” - “Qəbələ” və “Sumqayıt” - “İnter” matçlarının vaxtı dəyişdi

Avropa Liqasının qrup mərhələsində çıxış edən “Qəbələ” klubu Peşəkar Futbol Liqasına müraciət edərək, Premyer Liqanın VIII turunun “Neftçi” - “Qəbələ” matçının bir gün tez keçirilməsini xahiş edib. Futbolxeber.az-ın məlumatına görə, “Qəbələ”nin mötəbər turnirdəki çıxışını və canlı yayımı nəzərə alan PFL  VIII turun oyun cədvəlində dəyişiklik edib. Belə ki, “Neftçi” - “Qəbələ” matçı 18 oktyabr 2015-ci il tarixindən 17 oktyabr 2015-ci il tarixinə keçirilib. Canlı yayımla əlaqədar olaraq “Sumqayıt” - “İnter” matçı 17 oktyabrda deyil, 18 oktyabr tarixində baş tutacaq.