Qurban Qurbanovun oğlu danışdı: “Atamın davamçısı kimi yetişmək xoş olardı”

“Atam mənə həmişə öyrədir. Əgər vacib məsələni başa düşməsəm, başa salır, futboldan danışır. İstəyirəm ki, atamdan güclü futbolçu olum”. Futbolxeber.az-ın axar.az-a istinadən verdiyi məlumata görə, bu sözləri “Qarabağ”ın baş məşqçisi Qurban Qurbanovun oğlu Musa deyib. 

Musanın atası haqda fikirləri Ağdam klubunun Feysbuk səhifəsində yayımlanıb. Qurbanovun oğlu hazırda hücum mövqeyində oynadığını söyləyib: “Qol vurmağı çox istəyirəm. Mənim üçün fərqlənmək həmişə əyləncəli olub. Atamın davamçısı kimi yetişmək xoş olardı”. 

Qeyd edək ki, Q.Qurbanov ardıcıl iki dəfə Avroliqanın qrup mərhələsinə komandasını daşıyan ilk baş məşqçidir.