Mario Souza: "Kuboku "Xəzər Lənkəran" qazanacaq"

"Azərbaycanda çoxlu dostlarım qalıb. Ölkənizdə keçirdiyim günləri xoş xatirə kimi xatırlayıram. "Xəzər Lənkəran"ın fanatlarını heç vaxt unuda bilmərəm. Onlar hər zaman mənə dəstək olublar". Bu sözləri Futbolxeber.az saytına verdiyi açıqlamada "Xəzər Lənkəran"ın sabiq futbolçusu Mario Souza deyib. 

Braziliyalı futbolçu ölkəmizdəki günlərini xoş xatirə kimi xatırlasa da, bəyənmədiyi məqamlar da var: "Azərbaycanda hər şey yaxşı idi. Yalnız süni örtüklü meydançalardan başqa. 2011-ci ildə məhz süni ortüklü meydançaya görə zədələndim. Həmin vaxt karyeramı başa vurdum. Amma bugünkü gündə də oynamağa hazıram. Özümdə güc hiss edirəm. Təklif olsa, yenidən karyeramı bərpam edərəm". 

Mario Souza sabah Azərbaycan kubokunun finalı çərçivəsində baş tutacaq "Neftçi" - "Xəzər Lənkəran" görüşündən də söz açıb: "Neftçi" çempiondur, yaxşı heyətləri var. Amma mən "Xəzər Lənkəran"a azarkeşlik edəcəyəm. İnanıram ki, futbolçular ürəklərini meydanda qoysalar, qələbə qazanacaqlar. Əminəm ki, azarkeşlər finalda "Xəzər Lənkəran"a möhtəşəm dəstək verəcəklər. Kuboku "Xəzər Lənkəran" qazanacaq".