“Bu gün “Qəbələ” klubunun tarixində mühüm gündür”

“Bu gün “Qəbələ” klubunun tarixində mühüm gündür. Klubumuz təkcə Türkiyənin deyil, dünyanın ən məşhur şirkətlərindən biri olan “Sarar”la sponsorluq müqaviləsi imzalayır”. Futbolxeber.az-ın məlumatına görə, bu sözləri “Qəbələ”nin marketinq üzrə meneceri Səməd Nəsibov deyib.

Türkiyənin məşhur “Sarar” şirkəti ilə müqavilə imzalayan “Qəbələ” klubu bununla bağlı mətbuat konfrans keçirir.

Səməd Nəsibovun çıxışından sonra söz “Sarar”ın Bakı nümayəndəsinə verilib: “Biz də “Qəbələ” klubu ilə əməkdaşlıq etməkdən məmnunuq. “Sarar”  “Trabzonspor”, “Beşiktaş”, eləcə də Türkiyə millisi ilə əməkdaşlıq edir. “Qəbələ” ilə əməkdaşlıq etməyimizdə klubun avrokuboklardakı inamlı çıxışının böyük rolu oldu. Ümid edirəm ki, “Qəbələ” qrupdan da çıxacaq”.