Adrian Skarlatake: “İkinci sarı vərəqə ilə razılaşmıram”

“Neftçi” ilə oyunda 1 xal qazandığımız üçün şadıq. Komandamla fəxr edirəm. İlk dəfədir ki, biz “Bakcell Arena”dan xalla ayrıldıq”. Futbolxeber.az saytına müsahibəsində bu sözləri “Xəzər Lənkəran”ın müdafiəçisi Adrian Skarlatake deyib.

“Neftçi” ilə oyundan danışan rumın futbolçu aldığı qırmızı vərəqəni belə şərh edib: “Meydandan uzaqlaşdırıldığım üçün komanda yoldaşlarımdan üzr istəyirəm. Lakin hakimin mənə göstərdiyiy ikinci sarı vərəqə ilə razılaşmıram. Hakim bir qədər tələsdi. Ümumiyyətlə, son iki oyunda hakimlər komandamıza qarşı qırmızı vərəqələrdən çox istifadə edirlər. İkinci sarı vərəqəni göstərməmək olardı. Düzdü, cərimə var idi, amma vərəqəsiz keçinmək də mümkün idi”.

Skarlatake qazanıaln 1 xaldan razı qaldığını bildirib: “Əlbəttə ki, qane edir. Çünki biz oyunu 10 nəfərlə keçirdik, hesabda geri düşdük. Qol vurmaq çox çətin idi. Komanda yoldaşlarım xarakter göstərdi və bizi razı salan 1 xalı qazandıq. “Xəzər Lənkəran”da zəif deyil. Matç da bərabərə bitdi. Biz bir xalı azlıqda qala-qala qazandıq”.