Sergey Zenyov: “PAOK-la müqayisədə bizim fərqlənmək şansımız daha çox idi”

“PAOK-la oyunda qalib də gələ bilərdik, uduza da. Oyun ərzində fərqlənmək üçün şanslar oldu”. Futbolxeber.az saytına açıqlamasında “Qəbələ”nin üzvü Sergey Zenyov deyib.

Eston forvard qələbə üçün şanslarının olduğunu bildirib: “PAOK-un da şansları oldu. Amma rəqiblə müqayisədə bizim fərqlənmək şansımız daha çox idi. Onlar qol vursaydılar, məyus olardıq”.

Zenyov matçın gedişində aldığı zədədən də söz açıb: “Zədəm yüngüldü. Ümid edirəm ki, ciddi heç nə yoxdur. Növbəti oyunda komandama kömək edə biləcəyimi düşünürəm”.

“Qəbələ”nin “9 nömrə”si PAOK-dan da söz açıb: “Yaxşı komandadır. Lakin onlara qarşı oynamaq, hətta qələbə qazanmaq da olar. Bu matçda real qol şanslarımız da rol oldu. Təəssüf ki, onlardan istifadə edə bilmədik”.

Sonda isə Zenyov “Qəbələ”nin yeni hücumçusu Fakundo Pereyradan söz açıb: “Pereyra ikinci hissədə meydana qoşuldu. Yaxşı təsir bağışladı. Onun meydana çıxmasından sonra hücumlarımızın kəsəri daha da artdı. O da qol vurmaq üçün səy göstərsə də, alınmadı”.