“Bakı”dan hakimlərə etiraz: “Biz rəqibə yox, onlara uduzduq”

“Bakı” klubu I divizionun II turu çərçivəsində “Neftçala”ya qarşı baş tutan oyunun hakimlərindən narazı qalıb. Futbolxeber.az-ın məlumatına görə, klubun katibi Zəka İbrahimov görüşün baş hakim Fariz Yusifovun matçı qərəzli idarə etdiyini bildirib: "O, oyunun əvvəlində qapımıza olmayan penalti verdi. Adi epizod idi, penaltidən söhbət gedə bilməzdi. Top heç qapıya istiqamətlənməmişdi. Fariz birinci dəqiqədən komandamızı "sındırmağa" çalışırdı. Fasilədə ona dedim ki, “ayıbdı, hakimliyin adını bitirirsən”. Dedi, sonra epizoda baxarıq. Dedim, çıx, heç olmasa, ikinci hissədə hakimlik elə. Nə olsun, yenə "yıxıb-sürüdü" bizi. Başa düşmədim ki, Farizin məqsədi nədir? "Bakı" burda rəqibə yox, hakimə uduzdu".

Mənbə: sportinfo.az