Şəhriyar Məmmədyarov: “Qarabağ” “Tottenhem”lə oyunda qələbə qazanmasa belə...”

Tanınmış şahmatçı Şəhriyar Məmmədyarov bu gün 2 Azərbaycan klubunun Avroliqanın qrup mərhələsində ilk oyununa çıxması haqda danışıb. Futbolxeber.az-ın məlumatına görə, tanınmış qrossmeyster həm “Qarabağ”a, həm də “Qəbəyə”yə uğurlar arzulayıb: “Eyni anda 2 klubumuzun Avroliqanın qrupunda mübarizə aparması inanılmazdır. Avroliqada zəif rəqib olmur. Amma “Qəbələ” ilə müqayisədə “Qarabağ”ın rəqibləri daha çətindir. Hətta püşkün nəticələrini görəndə təəssüfləndim. Alışmışıq ki, “Qarabağ” bizi sevindirsin. Bugün də “Tottenhem”lə oyundan uğurlu nəticə gözləyirəm. “Qarabağ” qələbə qazanmasa belə, gözəl oyun göstərəcəyinə əminəm. Eyni zamanda “Qəbələ”yə də uğurlar arzulayıram”.