“Tottenhem”lə oyunun hakimi daha əvvəl “Qarabağ”ın səfər qələbəsinə şahidlik edib

Avroliqanın qrup mərhələsinin ilk turu çərçivəsində keçiriləcək “Tottenhem” - “Qarabağ” oyununu isveçrəli Adrien Yakkottet idarə edəcək. Futbolxeber.az-ın məlumatına görə, bu hakim Ağdam klubuna tanışdır. Belə ki, ötən il Çempionlar Liqasının II təsnifat mərhələsi çərçivəsində keçirilən “Valetta” - “Qarabağ” görüşünü idarə edib. Həmin görüş Qurban Qurbanovun komandasının 1:0 hesablı qələbəsi ilə tamamlanıb.

Bundan başqa, isveçrəli referi U-19-un elit raundunda İngiltərə - Azərbaycan (1:0) və Azərbaycan - Danimarka (0:3) görüşlərini idarə edib.