“Nəhayət ki, komandamın futbol oynadığını gördüm”

“Zirə” Premyer Liqada ilk mövsümünü keçirsə belə, yaxşı kollektiv qura bilib. Bütün bunları nəzərə alıb, matçın ağır keçəcəyini bilirdik”. Futbolxeber.az-ın məlumatına görə, bu sözləri “Zirə” ilə oyundan (0:0) sonra “Sumqayıt”ın baş məşqçisi Aqil Məmmədov deyib.

Məmmədov komandasının istəkli olduğunu qeyd edib: “Mən nəhayət ki, 4-cü turda komandamın futbol oynadığını gördüm. Mübarizə və istək vardı. Biz azlıqda qaldıqdan sonra rəqib daha üstün oynadı. Bütün bunlara rəğmən, futbolçulardan razıyam. Aleksandr Çertoqanov qırmızı vərəqə aldığına görə cəzalandırılacaq. İlk turdan sonra Ağabala Ramazanovu da cəzalandırmışdıq”.