Dodo: “PAOK-la oyunda yalnız qələbə haqda düşünürük”

“Qəbələ” hər oyununda qələbə qazanmaq istəyir. Fərqi yoxdur ölkə çempionatı olsun, ya Avroliqa qarşılaşması. Bu da çox müsbət haldır”. Futbolxeber.az saytına müsahibəsində bu sözləri “Qəbələ”nin üzvü Dodo deyib.

Braziliyalı futbolçu Premyer Liqanın IV turu çərçivəsində “İnter”ə uduzduqlar oyun haqda bunları söyləyib: “Komandada eyforiyaya yox idi. Bu qarşılaşmaya da ciddi hazırlaşmışdıq. Çünki çempionatda uğur qazanmaq istəyiriksə, hər oyunda maksimum gücümüzü meydanda qoymalıyıq. Amma alınmadı. Qol epizodlarını dəyərləndirə bilmədik”.

Dodo Avroliqanın qrup mərhələsindəki rəqibləri haqda deyib: Rəqiblərimiz güclü komandalardı. Dortmund “Borussiya”sını hamı tanıyır. PAOK və “Krasnodar” da güclü komandadır. Bizim işimiz məşq edib, qarşıdak oyunlara hazırlaşmalıyıq. Sonda necə olacağını isə görəcəyik”.

“Qəbələ”nin “10 nömrə”si qarşıdakı PAOK-la matçdan da söz açıb:  “Artıq bu məğlubiyyəti unutmalıyıq. Hazırda yalnız PAOK-la görüşü düşünürük. Bu oyunda yalnız qələbə haqda düşünürük. Başqa nəticə barədə fikirləşmirik”.