”Xəzər Lənkəran” Respublika stadionunda məşqə çıxdı

Dünən, Azərbaycan kubokunun final görüşü öncəsi Lənkəran hazırlığını başa vuran “Xəzər Lənkəran”, Bakı şəhərinə çatdıqdan sonra istirahətini bu gün başa vurdu. Futbolxeber.az-ın məlumatına görə, məskunlaşdığı oteldən Respublika stadionuna yola düşən komanda səhər məşqini keçirib. Matçın keçiriləcəyi Tofiq Bəhrəmov adına Respublika stadionunda keçirilən günün yeganə məşqi saat yarım davam etdi və futbolçular məşqçilər korpusunun verdiyi taktiki çalışmaları yerinə yetirdilər. Hazırda komandada zədəli futbolçu yoxdur və Adrian Pit istisna olmaqla bütün heyət məşqdə iştirak etdi. Sabah saat 11:00-da “Xəzər Lənkəran” oyun öncəsi son məşqinə çıxacaq. Məşqdən yarım saat öncə isə “Xəzər Lənkəran”ın baş məşqçisi Con Toşakın media nümayəndələri üçün mətbuat konfransı nəzərdə tutulub.