”Xəzər Lənkəran” Bakıya yola düşdü

Azərbaycan kubokunun final matçına hazırlaşan “Xəzər Lənkəran”, Lənkəran hazırlığını başa vurub. Futbolxeber.az-ın məlumatına görə, “Rəvan” klubu ilə cari mövsümün premyer-liqa çərçivəsində son oyununu keçirən komanda, bir günlük istirahətdən sonra final görüşünün hazırlığına start vermişdi. Lənkərandakı bazasında üç gün davam edən hazırlıq dünən gün ərzində keçirilən iki məşqlə yekunlaşıb. Bu gün, səhər saatlarında Lənkəran şəhərini tərk edən “Xəzər Lənkəran” Bakıya yola düşüb. Sabahdan etibarən isə komanda Azərbaycan kubokunun final görüşünün Bakı hazırlığına start verəcək.