“Xəzər Lənkəran” “Rəvan”la oyuna hazırlaşır

Premyer Liqanın II turunda səfərdə “Sumqayıt”la 1:1 hesablı bərabərliyə imza atan “Xəzər Lənkəran” hazırda doğma şəhərdədir. Futbolxeber.az-ın məlumatına görə, “Xəzər Lənkəran” bir günlük istirahətin ardından Lənkərandakı bazasında məşqlərini bərpa edərək III turun “Rəvan” görüşünə doğru hazırlığını davam etdirir. Heyətdə Sadio Tounkara istisna olmaqla zədəli futbolçu yoxdur ki, bu da məşqçilər korpusunu sevindirən əsas məqamdır.

Xatırladaq ki, “Xəzər Lənkəran” - “Rəvan” matçı avqustun 22-də saat 21.00-da start götürəcək.