Aqil Nəbiyev: “Cavid Hüseynovun günahsız olduğuna əminik”

“Cavid Hüseynovu uzun müddətdir tanıyıram. Onun bu məsələdə əli olduğuna inanmıram”. Futbolxeber.az saytına açıqlamasında bu sözləri millimizin sabiq üzvü Aqil Nəbiyev deyib.

Bu gün Apellyasiya Məhkəməsində futbolçu Cavid Hüseynovun şikayətinə baxılıb. Cavid Hüseynova dəstək olmaq üçün məhkəmənin qarşısına toplaşanlardan biri də təcrübəli futbolçu olub.

Nəbiyev sona kimi keçmiş komanda yoldaşına dəstək olacağını bildirib: “Bu gün Cavidə qarşı təzyiqlər də çoxdu. Mən hər kəsdən məsələyə obyektiv yanaşmağı xahiş edirəm. Biz futbolçular Cavidin bu məsələdə günahsız olduğuna əminik. Sona kimi onun yanındayıq. Cavidə dəstək olacağıq”.