“Qəbələ” artıq Kiprdədi

Sabah Avroliqanın III təsnifat mərhələsinin ilk oyunu çərçivəsində “Apollon”la (Kipr) qarşılaşacaq “Qəbələ” bu gün vətəni tərk edib. Futbolxeber.az-ın məlumatına görə, “qırmızı-qaralar” az əvvəl Kiprə çatıb. “Qəbələ” Kiprdə “Hilton Nikosia” otelində məskunlaşıb.

Qeyd edək ki , təmsilçimizin oyunöncəsi son məşqi bu gün Larnakadakı “Antonis Papadopulos” stadionunda gerçəkləşəcək. Məşq Bakı vaxtı ilə 23:00-da başlayacaq. Saat 22:30-da isə komandanın baş məşqçisi Roman Qriqorçukun mətbuat konfransı baş tutacaq.