"Rubin” Bakıya gəlməkdən imtina etdi

Məlumat verdiyimiz kimi, iyun ayının 17-də İBA U-14 Cup uşaq futbol turniri başlayacaq. Futbolxeber.az-ın məlumatına görə, turnirin iştirakçıları arasında dəyişiklik baş verib. Belə ki, Kazanın “Rubin” komandasının yerinə Gürcüstanın “Dinamo”(Tbilisi) komandası iştirak edəcək.

Qeyd edək ki, ötənilki turnirin qalibi “Rubin” iyul ayında Kazan şəhərində XXVİİ Ümumdünya Universiadanın keçirilməsilə əlaqədar olaraq Bakıya gələ bilməyəcək.

Əlavə edək ki, tezliklə püşkatma mərasimi keçiriləcək və komandalar hər birində 4 komandanın mübarizə aparacağı 2 qrupa bölünəcək.

Xatırladaq ki, turnirdə “İnter”(Azərbaycan), “Partizan”(Serbiya), “Vilyarreal”(İspaniya), “Yurqorden”( İsveç), “Dinamo”(Gürcüstan), “Ayntraxt”(Almaniya), “Karpatı”(Ukrayna) və “Beşiktaş”(Türkiyə) komandaları iştirak edəcək.