“Nefçi”dən kütləvi zəhərlənmə xəbərinə reaksiya

Bir az əvvəl Futbolxeber.az saytında “Neftçi”də kütləvi zəhərlənmə” başlıqlı xəbər getmişdi. Az əvvəl “ağ-qaralar”ın İnformasiya və İctimaiyyət Əlaqələr Departamentinin rəhbəri Gündüz Abbaszadə Futbolxeber.az saytı ilə əlaqə saxlayaraq, məsələyə münasibət bildirmək istədiyini dedi. Qarşı tərəfə tribuna vermək borcumuz olduğundan Abbaszadənin fikirlərini olduğu kimi təqdim edirik: “Bir neçə gün əvvəl şəxsi işim olduğu üçün işə gələ bilmədim. Yalandan “zəhərlənmişəm, özümü pis hiss edirəm” dedim. Görünür, bu, məni sevən dostlarımı narahat edib və xəbər mətbuata "Neftçi"də kütləvi zəhərlənmə kimi ötürülüb. Amma “Neftçi”də hər hansı bir zəhərlənmə baş verməyib”. 

P.S. Futbolxeber.az saytı olaraq daim yazdığımız xəbərlərə əmin olduqdan sonra onları sayta yerləşdirik. “Neftçi”də zəhərlənmə olduğu barədə xəbərin doğruluğuna əminik.