“Bakı”nın Premyer Liqa arzusu puç olur

Premyer Liqanın son mövsümündə 9-cu olan “Bakı”nın gələcək taleyi hələ də qeyrı-müəyyəndir. Futbolxeber.az-ın məlumatına görə, iyulun 22-də klubun bazasında icraçı direktor Yaşar Seyidov jurnalistlərlə görüşdü. Həmin görüşdə Seyidovun səsləndirdiyi fikirlər azarkeşləri xeyli ümidləndirdi. Çoxları “Bakı”nın yeni mövsümdə də Premyer Liqada çıxış edəcəyinə ümid bəslədi. Amma geridə qalan 6 gün ərzində dəyişən heç nə yoxdur. Klub prezidenti, Azərbaycan futbolu üçün böyük işlər görmüş Hafiz Məmmədov da hələ ki klubun gələcək taleyi ilə bağlı hər hansı bir açıqlama verməyib. Premyer Liqada yeni mövsümün startına isə sayılı günlər qalıb. Günlər keçdikcə “Bakı” azarkeşlərinin narahatçılığı artır, ümidlər isə azalır...