Hakimi təhqir edən baş məşqçi 5 oyunluq cəzalandı

Bu gün AFFA İntizam Komitəsinin iclası keçirilib. Futbolxeber.az-ın məlumatına görə, toplantıda aşağıdakı qərarlar qəbul edilib:

Əvəzedici heyətlərin XXXII turunun “Qarabağ” – “Simurq” matçında “Qarabağ” klubunun 4 futbolçusu sarı vərəqə ilə cəzalandığı üçün klub 500 manat cərimə olunur (maddə 40).

Əvəzedici heyətlərin XXXII turunun “Neftçi” – “Bakı” matçında “Bakı” klubunun 6 futbolçusu sarı vərəqə ilə cəzalandığı üçün klub 500 manat cərimə olunur (maddə 40).

Oyunun 59-cu dəqiqəsində “Bakı” klubunun 19 №-li futbolçusu Elşən Rzazadə kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 1000 manat cərimə olunur (maddə 37.1).

Əvəzedici heyətlərin XXXII turunun “Turan” – “Sumqayıt” oyununun 60-cı dəqiqəsində “Turan” klubunun 8 №-li futbolçusu Seymur Tağıyevin hakimi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 4 oyunluq cəzalanır, klub 2000 manat cərimə olunur  (maddə 42.3).

Azərbaycan I Divizionunun XXVI turunun “Şuşa” – “Göyəzən” oyununun 39-cu dəqiqəsində “Şuşa” klubunun 89 №-li futbolçusu Rafiq Kərimov sonuncu ümid fouluna görə birbaşa qırmızı vərəqə alaraq kənarlaşdırıldığı üçün futbolçu 1 oyunluq cəzalanır, klub 20 manat cərimə olunur  (maddə 48).

Matçın 73-cü dəqiqəsində “Göyəzən” klubunun 6 №-li futbolçusu Həsən Abbasov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur  (maddə 48).

Azərbaycan I Divizionunun XXVI turunun “Neftçala” – “Şəmkir” matçının 60-cı dəqiqəsində “Şəmkir” klubunun 14 №-li futbolçusu Ruslan Rüstəmov qeyri-etik ifadələr işlətdiyinə görə birbaşa qırmızı vərəqə alaraq meydandan kənarlaşdırıldığı üçün futbolçu 3 oyunluq cəzalanır, klub 200 manat cərimə olunur  (maddə 42.1).

Azərbaycan I Divizionunun XXVI turunun “Şahdağ” – “Ağsu” matçında “Ağsu” klubunun 7 futbolçusu sarı vərəqə ilə cəzalandığı üçün klub 100 manat cərimə olunur (maddə 40).

Oyunun 78-ci dəqiqəsində “Şahdağ” klubunun 6 №-li futbolçusu Şıxqayıb Şıxqayıbov kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 200 manat cərimə olunur  (maddə 37.1).

Matçın 81-ci dəqiqəsində “Şahdağ” klubunun 11 №-li futbolçusu Yusif Yusifzadə idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur  (maddə 48).

Matçın 85-ci dəqiqəsində “Şahdağ” klubunun baş məşqçisi Kamran Əlibabayev hakimi təhqir etdiyinə görə 5 oyunluq cəzalanır, klub 500 manat cərimə olunur (maddə 42.4).

Matçın 90+2-ci dəqiqəsində “Şahdağ” klubunun 8 №-li futbolçusu İqrar Səmədov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 20 manat cərimə olunur  (maddə 48).