“Qəbələ” - “Dinamo” oyununu israilli turistlər də izləyəcək

Sabah Avroliqanın I təsnifat mərhələsinin cavab oyunu çərçivəsində keçiriləcək “Qəbələ” - “Dinamo” matçını xarici qonaqlar da izləyəcək. Futbolxeber.az-ın Qəbələyə ezam olunmuş əməkdaşının verdiyi məlumata görə, hazırda Qəbələdə istirahət edən turistlər arasında israillilər də var ki, onların bir qismi futbol azarkeşləridir. Azərbaycanlı jurnalistlərdən sabahkı oyunun başlama vaxtını öyrənən əcnəbi turistlər görüşü mütləq izləyəcəklərini bildiriblər.