“Neftçi” gözləyir: İmamverdiyev, yoxsa Ailton?

Avroliqanın ilk təsnifat mərhələsinin birinci oyunu çərçivəsində “Mladost”a qarşı baş tutacaq görüşə az vaxt qalsa da, “Neftçi” hələ də bütün futbolçularının adını iştirak ərizəsinə daxil edə bilməyib. Belə ki, UEFA-ya təqdim olunan sifariş vərəqəsində Cavid İmamverdiyev və “Fluminense”dən icarəyə götürülən Ailton Fereyra Silvanın adı yoxdur. “Ağ-qaralar”ın İnformasiya və İctimaiyyətlə Əlaqələr Departamentinin rəhbəri Gündüz Abbaszadə Futbolxeber.az saytına verdiyi açıqlamada məsələ ilə bağlı bunları söyləyib: “Cavid İmamverdiyevin “Elazığspor”la müqaviləsi bu gün bitir. Ailtonun isə transfer vərəqi isə hələ gəlməyib. Oyuna qədər iştirak ərizəsinə 1 futbolçunun adını əlavə etmək hüququmuz var. Hələ ki gözləyirik”.