“Qəbələ”nin yeni transferi: “Əvvəlcədən deyə bilmərəm ki...”

“Qəbələ” haqda ilkin təəssüratlarım çox xoşdur. Komandada hər şey yaxşıdır. Adaptasiya dövrünü yaxşı keçirəm. Cəmi 3 gündür komandaya qoşulmuşam”. Futbolxeber.az-ın Qəbələyə ezam olunmuş əməkdaşına verdiyi açıqlamada bu sözləri “Qəbələ”nin yeni transferi Aleksey Antonov deyib.

“İnter”lə oyunda vurduğu yeganə qolla yoxlama matçında komandasına qələbə qazandıran ukraynalı forvard, Avroliqada qarşılaşacaqları Tiflis “Dinamo”su barədə də fikirlərini açıqlayıb: “Dinamo” ənənələri olan komandadır. Daha əvvəl onlara qarşı avrokuboklarda oynamışam. Lakin komandada dəyişikliklər olub. Düşünmürəm ki, "Dinamo"nu keçməyimiz barədə danışmağa dəyər. Hər komanda öz oyununa görə məsuliyyət daşıyır. Əvvəlcədən deyə bilmərəm ki, bu yükün altından çıxa biləcəyik, ya yox".