“Qarabağ”ın yeni transferi: “Doğru ünvana gəldiyim qənaətindəyəm”

“Lans”ın sabiq futbolçusu Alharbi El Jadeyaoui “Qarabağ”a keçidindən danışıb. Futbolxeber.az-ın məlumatına görə, mərakeşli futbolçu klubun rəsmi saytına açıqlamasında deyib: “Bilirəm ki, "Qarabağ" olduqca iddialı və ambisiyaları olan klubdu. Ötən mövsüm Avroliqada "Qarabağ"ın "Sent-Etyen" və "İnter"lə oyunlarını izləmişəm. Yeni komandam baxımlı futbol oynayır. Daim hücumda oynamağı sevir. Ona görə də doğru ünvana gəldiyim qənaətindəyəm. Bilirəm ki, yeni gələn futbolçudan azarkeşlər çox şey gözləyir. İlk məqsədim komandaya tez adaptasiya olub, meydana çıxmaqdı. Çempionlar Liqasında maksimum uğur qazanmaq əlbəttə xoş olardı. Bunun üşün əlindən gələni edəcəm ki, komandama faydalı olum. Təbii ki, "Qarabağ" uğur qazanmaq üçün gəlmişəm”.