Qriqorçuk “Qəbələ”yə daha bir ukraynalı futbolçu gətirdi

“Qəbələ” növbəti transferini reallaşdırrb. Futbolxeber.az-ın məlumatına görə, söhbət ukraynalı Vitali Vernibuddan gedir. 27 yaşlı mərkəz müdafiəçisi fiziki göstəriciləri ilə seçilir. Onun boyu 193 sm, çəkisi isə 87 kq-dır.

Peşəkar futbolçu karyerasına Zaporojye “Metallurq”unda başlayan Vernibud, qısa müddət “Krivbass”da çıxış etdikdən sonra “Zarya”ya keçib. 2012-ci ildən bu klubun formasını geyən futbolçu, 2014-cü ildə Ukrayna millisində debüt edib. Lakin mərkəz müdafiəçisi daha sonra yığmaya dəvət almayıb.