“İnter” Avroliqanın hazırlığına başlayır

Kaxaber Sxadadze və bir çox futbolçularla yollarını ayıran “İnter” yeni mövsümün hazırlığına start verir. Futbolxeber.az-ın məlumatına görə, “bankirlər” iyunun 11-də yeni baş məşqçi Zaur Svanadzenin rəhbərliyi altında bir araya gələcək. Komanda məşqlərə yalnız yerli futbolçularla start verəcək. “İnter” gündə 2 məşqə çıxacaq. Hazırlıq prosesi “İnter Arena”da baş tutacaq.

Qeyd edək ki, Svanadzenin köməkçilərindən yalnız birinin adı hələlik məlumdur. Bu, Roman Cəfərovdur.