AFFA-nın baş katibi: “Platini bizə demədi ki, Blatterin əleyhinə səs verin”a

Baş katib Elxan Məmmədov FİFA prezidentliyinə seçkilərdə AFFA-nın hansı namizədi dəstəklədiyini açıqlamaq istəməyib. Futbolxeber.az-ın məlumatına görə, jurnalistlərə müsahibə verən Məmmədov bu barədə verilən 3 sualın heç birinə hansı namizədi dəstəkləmələri barədə konkret cavab verməyib: “Bu dəfəki seçki gərgin keçdi. Çünki 4 il əvvəllə müqayisədə ilk mərhələdə namizədlərin sayı çox idi. Sonda yalnız 2 namizəd qalmışdı. Yekunda da Blatter qələbə qazandı.

AFFA rəhbərliyi seçkidə futbolun inkişafına səs verib. Elə ölkələr var ki, onlar hansısa namizədə rəsmi dəstək göstəriblər. Buna görə də onlar dəstəklədikləri namizədin adını açıqalyırlar. Biz futbolun inkişafına dəstək verdik. AFFA həm UEFA-nın, həm də FİFA-nın üzvüdür. Öz fikrimiz, öz qərarımız var. Platini biz də daxil olmaqla UEFA nümayəndələri ilə görüşdə heç kimdən xahiş etmədi ki, Blatterin əleyhinə səs verin”.