“Mənə zəng vurub deyirlər ki, olar AFFA-ya gəlib İbrahimoviçlə şəkil çəkdirək?”

“Zlatan İbrahimoviçin Bakıya gəlişindən dünən xəbər tutduq. Dünəndən mənə çoxlu zəng gəlib. Zəng vurub deyirlər ki, olar AFFA-ya gəlib İbrahimoviçlə şəkil çəkdirək?” Futbolxeber.az saytına müsahibəsində bu sözləri AFFA-nın baş katibi Elxan Məmmədov deyib.

Baş katib vurğulayıb ki, dünya səviyyəli ulduzların Bakıya gəlişi təəccüblü deyil: “Onun səfərindən əvvəldən xəbərimiz olsaydı, bundan istifadə edərdik. İbrahimoviçi hansısa tədbirə dəvət etməyimiz mümkün idi. Amma hazırda Bakı Avropanın idman mərkəzinə çevrilib. Dünya səviyyəli ulduzlar Azərbaycana gəlirlər. Kimisi dincəlməyə, kimisi də dostlarını görməyə. Bu o demək deyil ki, Bakıya gələn hər ulduzla AFFA hansısa layihəni həyata keçirməlidir. Bu səfərlərə normal baxmaq lazımdı”.