“Borussiya”nın futbolçusu Azərbaycan millisindən kənarda qaldı

İyunun 2-dən 9-dək Bakı şəhərində, iyunun 10-dan 16-dək isə Danimarkanın Kopenhagen şəhərində təlim-məşq toplanışı keçirəcək 21 yaşadək futbolçulardan ibarət Azərbaycan yığmasının heyətində dəyişiklik edilib. Futbolxeber.az-ın məlumatına görə, Almaniyanın “Borussiya” (Münxenqladbax) klubunun üzvü Bilal Sezer zədəli olduğu üçün toplanışda iştirak etməyəcək. Onun əvəzinə yığmaya “İnter” klubundan Tural Hümbətov dəvət olunub.