Rəsmi Bakıdan FİFA-dakı rüşvət qalmaqalına münasibət

Azərbaycan Prezidenti Administrasiyası rəhbərinin müavini, qurumun xarici əlaqələr şöbəsinin müdiri Novruz Məmmədov FİFA-da baş verən hadisələrə və təşkilatda keçirilən prezident seçkilərinə münasibət bildirib. Futbolxeber.az-ın qol.az-a istinadən verdiyi məlumata görə, bu barədə Novruz Məmmədov  özünün "Tvitter" səhifəsində yazıb: "Çox maraqlıdır, siyasət aləmində işlədilən priyomlar artıq idman sahəsində də asanlıqla tətbiq olunur. Gizli səsvermə olduğu üçün, görünür, səslər yalnız Blatterin xeyrinə yox, ABŞ və Avropaya etiraz səsləri idi".

Qeyd edək ki, dünən Yozef Blatter beşinci müddətə FİFA-nın prezidenti seçilib. Seçkidən öncə FİFA-nın bir neçə məmuru korrupsiya və rüşvət ittihamı ilə həbs edilib.