Diniyev “Qəbələ” - “İnter” oyunundakı insidentdən danışdı

"Qəbələ” - “İnter” oyununda “bankirlər”in 2 üzvü - Coşqun Diniyev və Derlis Meza Kolli arasında yaşanan insidentin təfərrüatları məlum olub. Bu haqda Futbolxeber.az saytına Coşqunun atası, milli komandamızın keçmiş baş məşqçisi, Məşqçilər Komitəsinin üzvü Şahin Diniyev məlumat verib: “Əslində, orada qeyri-adi heç nə baş verməyib. Meydanda belə narazılıqlar olur. Hər şey cərimə zərbəsini yerinə yetirməyə görə olub. Coşqun topa zərbə endirmək istəsə də, Derlis bildirib ki, “qoy, qardaşım Sezar vursun”. Görünür, lazımi nəticə olmadığından Derlis özündən çıxıb, Coşqun da ona cavab qaytarıb. Lakin oyundan sonra futbolçular öpüşüb-görüşüblər. Yəni, meydanda olan elə meydanda da qalıb”.