“Neftçi” “Stadium Tour” layihəsi çərçivəsində üçüncü tədbiri keçirib

"Neftçi" PFK "Stadium Tour" layihəsi çərçivəsində üçüncü tədbirini keçirib. Futbolxeber.az-ın məlumatına görə, bu dəfə layihənin qonaqları Həyat Beynəlxalq Humanitar Təşkilatı və BMT-nin Qaçqınlar üzrə Ali Komissarlığı nəzdində olan qaçqınlar mərkəzinin əməkdaşları və təşkilatın himayəyə götürdüyü uşaqlar olub. Qonaqlara ilk olaraq “Bakcell Arena” haqqında məlumat verilib. Daha sonra tur iştirakçıları stadionun media mərkəzində yaradılmış şərait və mətbuat zalı ilə tanış olublar. “Neftçi”nin paltardəyişmə otağı uşaqlar tərəfindən daha böyük maraqla qarşılanıb. Alqış sədaları altında meydançaya daxil olan qonaqlara daha sonra “Neftçi”nin “fans-stand” guşəsində forma və şərflər hədiyyə olunub. Mərkəzi “Skybox”ları gəzən təşkilat nümayəndələrinə stadionun “VIP lounge” bölməsi göstərilib. Tədbirin sonunda qonaqlara stadionda çəkdirilmiş xatirə şəkilləri təqdim olunub.

Xatırladaq ki, “Neftçi” PFK “Stadium Tour” layihəsini davam etdirir.