Almeyda çempionluqdan danışdı: “Əlimizdən gələnin ən yaxşısını etməyə çalışdıq”

"Bilirdik ki, bizim üçün çətin oyun olacaq. Əlimizdən gələnin ən yaxşısını etməyə çalışdıq. "Qəbələ"nin heç-heçə etməsi çempion olmağımız üçün əlavə şans oldu". Futbolxeber.az-ın məlumatına görə, bu sözləri Qol.az-a "Qarabağ"ın futbolçusu Riçard Almeyda Azərbaycan Premyer Liqasının 34-cü turunda "Sumqayıt"a 1:0 hesabı ilə qalib gələrək çempionluğu təmin etdikləri matçdan sonra deyib.

O bildirib ki, ölkənin bütün komandaları "Qarabağ"a qarşı xüsusi oynamağa  çalışır: "Rəqiblərimiz bütün mövqeləri bağlamağa çalışır. Ona görə də bizim üçün oyunlar çətin olur".

R.Almeyda növbəti mövsüm avrokuboklarda ən azından bu mövsüm etdiklərini yenidən təkrarlamaq etmək istəyirlər.

O, "Neftçi" ilə Azərbaycan kubokunun finalında keçiriləcək matç haqda da danışıb: "Neftçi" güclü komandadır. Bizim üçün yaxşı nəticə olacaq".

R.Almeyda "Qəbələ" haqda müsbət fikirlər də səsləndirib: "Qəbələ"də yüksəliş var. Onlar yaxşı oyun nümayiş etdirirlər".