“Traktorsazi” çempionluğa yaxınlaşdı

İran çempionatında 29-cu turun oyunları keçirilib. Futbolxeber.az-ın məlumatına görə, Güney Azərbaycanın fəxri “Traktorsazi” səfərdə “İstiqlal”ın qonağı olub. Matç Təbriz klubunun 4:1 hesablı qələbəsi ilə tamamlanıb. Bununla da “Traktorsazi” son tur öncəsi zirvədəki liderliyini qoruyub.

Qeyd edək ki, 29 turdan sonra aktivində 57 xal olan Təbriz təmsilçisi liderdir. Eyni xala malik olan “Naft Tahran” ikincidir. 56 xalı olan “Sepahan” isə üçüncü yerdə qərarlaşıb. Son turda “Traktorsazi” öz meydanında ən yaxın izləyicisini qəbul edəcək.