“Xəzər Lənkəran”dan rəsmi açıqlama: “Komandanı “Qarabağ”la oyuna Yunis Hüseynov çıxaracaq”

“Xəzər Lənkəran” klubda baş məşqçi dəyişikliyi olması barədə yayılan xəbərlərə rəsmi münasibət bildirib. Klubun mətbuat xidmətinin rəhbəri Hüseyn Cəbrayıloğlu Futbolxeber.az saytına verdiyi açıqlamada məsələyə belə münasibət bildirib: “Elbrus Məmmədovun məşqçilik kateqoriyasının vaxtı bitib. Bu yaxınlarda o, PRO lisenziyasını almaq üçün ölkə xaricinə yollanacaq. Kateqoriyanın müddəti başa çatdığından, qaydaları poza bilməzdik. Ona görə də komandanı “Qarabağ”la oyuna Yunis Hüseynov çıxaracaq. Mövsümün sonuna az qalıb. Qarşıdakı günlərdə Yunis bəy də ölkə xaricinə yollanmalıdır. O olmayanda isə “Xəzər Lənkəran”ı meydana fiziki hazırlıq üzrə məşqçi çıxaracaq”.