Roman Qriqorçuk: “Qəbələ” xal itirəndə ilk növbədə ukraynalı futbolçular tənqid olunurdu”

“Fikrimcə, indi “Qəbələ” tam fərqli futbol oynayır. Hələ ki oyunumuzu ideal adlandırmaq olmaz. Lakin hazırda məqsədimizə doğru irəliləyirik”. Futbolxeber.az-ın məlumatına görə, bu sözləri “Qəbələ”nin baş məşqçisi Roman Qriqorçuk deyib.

Ukrayna mətbuatına danışan Qriqorçuk, həmyerlilərnin “Qəbələ”də qalmasını istədiyini bildirib: “Əvvəldən də hər 3 ukraynalı futbolçuya bildirmişdim ki, onlardan daha çox şey tələb edəcəyəm. Həqiqətən də onların üzərində çox məsuliyyət var. Komanda xal itirəndə ilk növbədə ukraynalı futbolçular tənqid olunurdu. Odur ki, başqa yolları yox idi: dayanmadan inkişaf etmək lazım idi. Komandaya gəldiyimdə transferlər üçün vaxtımız çox az idi. Ona görə də əsasən tanıdığım futbolçulara dəvət göndərdim. Onların komandada qalmasını istəyirəm.  Öz futbolçularımı çox sevirəm. Bezotosnı komandada vacib fiqurdur. İlk vaxtlar müəyyən səhvləri olsa da, hazırda stabil çıxış edir. Aleksey Qay mərkəzdə “Qəbələ”nin aparıcı fiqurudur. Ruslan Fomindən isə daha çox qol gözləyirik. Hələ ki çox fərqlənə bilmir. Lakin ümidimizi üzmürük”.