Qurban Qurbanov: “Bu stadionda oynamaq mən və futbolçularım üçün çətin və xoşdur”

“Çempionatın sonu yaxınlaşdıqca həyəcan artır. Bəzən futbolçularda tələskinlik olur. İstər-istəməz psixoloji cəhətdən də gərginlik yaranır”. Futbolxeber.az saytına müsahibəsində bu sözləri “Qarabağ”ın baş məşqçisi Qurban Qurbanov deyib.

Təcrübəli mütəxəssis bu gün Premyer Liqanın 33-cü turu çərçivəsində “Xəzər Lənkəran”a qarşı keçiriləcək oyun haqda da fikirlərini açıqlayıb: “Komandamızın çempiomnluq təcrübəsi var. Hər futbolçuya bu kömək olacaq. “Xəzər Lənkəran”a qarşı bizi çətin səfər oyunu gözləyir. Həmişə demişəm ki, bu stadionda oynamaq mən və futbolçularım üçün çətin və xoşdur. İstəkli komandaya qarşı oynayacağıq. Heyətdəki gənclər özlərini yaxşı tərəfdən göstərmək istəyilər. “Xəzər Lənkəran” iddialılara qarşı daha yaxşı oynayır. “Qəbələ” və “Netçi” ilə oyunlar buna nümunədir. Bizi ağır 90 dəqiqə gözləyir. Görüşə düşündüyümüz kimi hazırlaşmışıq. 1-2 çatışmazlıqlarımız var”.