Qurban Qurbanov: “Növbəti mövsüm çempionatın səviyyəsi yüksələcək”

“Qarabağ”ın baş məşqçisi Qurban Qurbanov Azərbaycan klublarının bəzilərində yaranan maliyyə problemini müvəqqəti çətinlik hesab edir. Təcrübəli mütəxəssis Futbolxeber.az saytına müsahibəsində qeyd edib ki, növbəti mövsümdə Premyer Liqanın səviyyəsinin yüksələcəyinə inanır: “Məncə, gələn il əksinə olacaq, çempionatın səviyyəsi daha da yüksələcək. Hazırda maliyyə problemləri yaşanan klubların gələcək taleyi çoxlarını narahat edir. İnanmıram ki, bu klubların asanlıqla dağılmasına imkan verilsin. Ölkəmidə Futbolun İnkişafına Dair Dövlət Proqramı qəbul olunmalıdır. Ona görə də klubların dağılmasına imkan verməyəcəklər. Avropa oyunlarından sonra ölkəmizdə idmana, o cümlədən də futbola maraq daha da çox olacaq. 1 ay ərinzəd müəyyən çətinliklər oldu. Gələn il 10 komandanın iştirakı ilə indikindən güclü çempionata şahidlik edəcəyik”.