Qurban Qurbanov açıqladı: Muarem, Leroy və Çumbinyo “Qarabağ”da qalacaq?

Cari mövsümün sonunda müqaviləsi bitən Muarem Muarem, Leroy Corc və Çumbinyonun “Qarabağ”da qalıb-qalmayacağı hələ məlum deyil. Futbolxeber.az saytına müsahibəsində Ağdam klubunun baş məşqçisi Qurban Qurbanov bununla bağlı deyib: “Hər bir futbolçu komanda üçün önəmlidir. Digərləri kimi Muarem Muarem, Leroy Corc və Çumbinyo da komandaya fayda veriblər. Həm Muarem, həm də Leroyun sözləşməsi mövsümün sonunda bitir. Mən inanıram ki, onlar peşəkar futbolçu kimi müqavilələrinin sonuna qədər komandanın uğuru üçün əllərindən gələni edəcəklər. İndidən Muarem və Leroy haqda qəti söz deyə bilmərəm. Çumbinyo isə iyunda toplaşına qatılacaq. Həmin vaxt onun durumuna baxıb, yekun qərar qəbul edəcəyik”.