Qurban Qurbanov: “Hazırda transfer haqda düşünmürük”

“Hazırda transfer haqda düşünmürük. Çemponatda 3 oyunumuz var. Bütün fikirlərmizi həmin oyunlara yönəltmişik”. Futbolxeber.az saytına müsahibəsində bunu “Qarabağ”ın baş məşqçisi Qurban Qurbanov deyib.

Təcrübəli mütəxəssis “İnter”in üzvü Azər Salahlı ilə danışıqlar apardıqlarını təsdiq edib: “Maraqlandığımız futbolçular var. Əsasən yerli futbolçuları transfer etmək istəsək də, bu, çətindi. Çünki əksərinin öz klubları ilə müqaviləsi var. Azər Salahlı maraq dairəmizdədi. Onunla hardasa razılığa gəlmişik”.

Bir müddət əvvəl Qurban bəyin qardaşı, “Qarabağ”ın seleksiya işləri ilə məşğul olan Musa Qurbanov mətbuata açıqlamasında Ağdam klubuna 3 hücumçu təklif etdiyini bildirmişdi. Bununla bağlı sualı Qurban Qurbanov belə cavablandırıb: “Mənə 3 yox, daha çox hücumçu təklif olunub. Onlar Avropanın müxtəlif liqalarında çıxış edirlər. Hələ ki yekun qərar qəbul etməmişik. Seçimlərimiz də, axtarışlarımız da davam edir”.