Nikolas Kanales: “Qarabağ” məğlubedilməz deyil”

“Neftçi”nin hücumçusu Nikolas Kanales “Qarabağ”la oyundan sonra Futbolxeber.az saytına müsahibə verib:

- Premyer Liqanın 31-ci turunda “Neftçi” gərgin keçən oyunda “Qarabağ”a uduzdu. 2:3 hesabı ilə başa çatan oyunu necə dəyərləndirə bilərsən?

- Deməzdim ki, yaxşı oynadıq. Bununla belə, düşündürücü məqamlar da var. Son oyunlardan qapımızda çox qol görürük. 3 matçda qapımızdan 8 top buraxmışıq. Bu, düşünüləsi məqamdı.

- Deməli, müdafiəçilərin çıxışından narazısan?

- Yox, bütün günahı müdafiəçilərin üstünə atmaq olmaz. Rəqibin qarşısını almaq üçün mərkəzdə də pressinq tətbiq etmək lazımdır.

- Oyunun ilk yarım saatında qapınızda 2 qol gördünüz. Bunu ilə əlaqələndirərdin?

- Konkret nə baş verdiyini dəqiq deyə bilmərəm. Amma qapımızda 2 qol gördükdən sonra təslim olmadıq.

- Çoxları “Neftçi”nin ən azı gümüş medallar uğrunda mübarizə aparacağını gözləyirdi. Hazırda isə “Neftçi” bürünc medalı da əldən vermək üzrədi. Uğursuzluğun səbəbini nədə görürsən?

- Mübarizə hələ tam bitməyib. Qarşıda 4 oyunumuz var. Bu qarşılaşmalarda lazımi qədər xal toplaya bilərik. İndi bu oyunu unudub, növbəti qarşılaşmalar haqda düşünmək lazımdı.

- “Neftçi” ölkə kubokunun finalında da “Qarabağ”la qarşılaşacaq. Həlledici oyunda Ağdam klubunu məğlub etmək mümkün olacaq?

- Belə oynasaq, təbii ki kuboku qazana bilmərik. Amma “Qarabağ” məğlubedilməz deyil. Onları məğlub etmək olar.

- Mövsüma artıq başa çatmaq üzrədi. “Neftçi”dəki gələcəyiniz artıq müəyyənləşib?

- Komanda ilə müqaviləm başa çatır. Amma hələ ki, klubdan yeni müqavilə haqda təklif almamışam. Lakin digər ölkələrdən mənimlə maraqlanan klublar var.

- Son oyunlardakı məhsuldar çıxışınızın sirri nədədir?

- Yayda komandaya gələndə fiziki baxımdan hazır deyildim. Altı ay oynamamışdım. Zamanla formamı bərpa etdim. Qış fasiləsindəki təlim-məşq toplanışının da xeyri çox oldu.