Aqil Məmmədov: “Bütün kollektiv qələbəyə köklənmişdi”

“Simurq”a qarşı oyunlarımız həmişə ağır keçib. Bu gün keçirilən oyuna yaxşı hazırlaşmışdıq”. Futbolxeber.az-ın məlumatına görə, bu sözləri “Simurq”la oyundan sonra “Sumqayıt”ın baş məşqçisi Aqil Məmmədov deyib.

Məmmədov qələbə münasibəti ilə komandasını, azarkeşləri təbrik edib: “Bütün kollektiv qələbəyə köklənmişdi. Uzun fasilədən sonra qələbə qazandığımız üçün şadam. Azarkeşləri, oyunçuları təbrik edirəm. Düşünürəm ki, bu qələbə bizə qara zolaqdan çıxmaq üçün əlavə üstünlük verəcək”.