“Sumqayıt” 14-cü oyunda qələbə həsrətinə son qoydu

Azərbaycan Premyer Liqasının 31-ci turunda “Sumqayıt” “Simurq”u 1:0 hesabı ilə məğlub edib. Futbolxeber.az-ın məlumatına görə, bununla da Aqil Məmmədovun komandası qələbəsiz oyunlar seriyasına son qoyub. Buna qədər “Sumqayıt” keçirdiyi son 13 oyunda qələbəyə həsrət qalmışdı. Bu müddətdə komanda 7 dəfə heç-heçə edib, 6 dəfə isə uduzub.

Qeyd edək ki, “Sumqayıt” sonuncu qələbəsini 2014-cü ilin 7 dekabrında qazanıb. Maraqlıdır ki, həmin oyunda da “Sumqayıt” elə “Simurq”u üstələmişdi. Fərq ondadır ki, sumqayıtlılar həmin vaxt 2:1, bu dəfə isə 1:0 hesablı qələbə qazanıb.