“Bitməyən matç”ın təqdimatıdır

Veteran futbolçu, U-19-un baş məşqçisi Nazim Süleymanovun kitabının təqdimat mərasimi keçirilir. Futbolxeber.az-ın məlumatına görə, kitab “Bitməyən matç” adlanır. Kitabın həm azərbaycan, həm də rus dili versiyası var. Kitabın müəllifi Varisdir. 

Qeyd edək ki, kitabın təqdimat mərasimində xeyli tanınmış sima iştirak edir. Onlar arasında veteran futbolçu İsgəndər Cavadov, Oqtay Abdullayev, Səməd Qurbanov, Vaqif Sadıqov, Şakir Qəribov, Şahin Diniyev, Yaşar Vahabzadə, Babək Alxasov, Vəli Qasımov, Elxan Abdullayev, Rüstəm Rəhimov, Mahmud Qurbanov, AFFA və PFL rəsmiləri, "Neftçi"nin Müşahidə Şurasının sədri Çingiz Abdullayev və başqaları var.