Qurbanov: “Qələbə bizi aldatmamalıdır”

“Düşünürəm ki, əsl kubok oyunu izlədiniz. Hər iki komanda nəticəyə oynayırdı”. Futbolxeber.az-ın məlumatına görə, bu sözləri “Simurq”la oyundan sonra “Qarabağ”ın baş məşqçisi Qurban Qurbanov deyib.

Ölkə kubokunun yarımfinal mərhələsinin ilk oyununda “Simurq” üzərində qazandıqları 1:0 hesablı qələbəni şərh edən təcrübəli mütəxəssis, arxayınlaşmalı olmadıqlarını vurğulayıb: “Qələbə məni və futbolçuları aldatmamalıdır. Qarşıda çətin cavab oyunu var. Bu gün futbolçularımın hər birindən razı qaldım. Oyunçularla yanaşı, azarkeşlərimizə də təşəkkür edirəm.  Qrafik sıxdır. Çətin səfər oyunlarımız var. Oyunçularım xarakter nümayiş etdirməlidirlər”.