Ölkə futbolu
Aleksandr Çivadze ilə eyni gündə YAZI
Vahabzadə soyadı Azərbaycanda yetərincə məşhurdur. Azərbaycanın ən gözəl şairlərindən olan Bəxtiyar Vahabzadə bu soyadla ədəbiyyatımızda böyük iz buraxıb. Vahabzadə soyadı Azərbaycanın futbolunda da özünəməxsus yer tutur. Bu isə Yaşar Vahabzadənin sayəsində mümkün olub ki, bu ildən Azərbaycanın 21 yaşadək futbolçulardan ibarət yığmasının (U-21) baş məşqçisi olan həmin insan bu gün 55 illik yubileyini qeyd edir.
"Neftçi"də 2 müxtəlif vaxtda...
Özü də o, SSRİ dövründə rəqibi olan məşhur gürcü futbolçu, SSRİ yığmasının kapitanı olmuş Aleksandr Çivadze ilə eyni gündə dünyaya gəlib. Tiflis “Dinamo"sunun əfsanəsi də bu gün yubileyini - 60 illiyini keçirir. Maşallah, bu il “Neftçi”nin veteran futbolçularının bir çoxunun yubileyidir. Yunis Hüseynovla Nazim Süleymanov 50, İqor Ponomaryov, Novruz Əzimov, Əsgər Abdullayev 55 illik yubileylərini qeyd etdilər. Yaşar Vahabzadə də “5-ləri” qoşalaşdıraraq, yubilyarlar sırasına qoşuldu.
Bir çox futbolçularımız kimi, onun da “Neftçi”də oynamaq ən böyük arzularından olub və bu, həyata keçib. Elə Süleymanovla birgə 80-ci illərin əvvəlində Mingəçevirin “Avtomobilçi” klubundan “Neftçi”yə dəvət olunub. Ancaq Süleymanovdan fərqli ona “ağ-qara” formada həm SSRİ dövründə, həm də Azərbaycan milli çempionatında oynamaq nəsib olub. “Neftçi”nin heyətində SSRİ çempionatının həm yüksək liqasında, həm də birinci dəstəsində çıxış edib. Ancaq o, SSRİ dağılan dövrdə Sumqayıt “Xəzər”ində idi, milli çempionatımızda çıxışına da bu klubla başladı, gümüş medalçı oldu.
...ardıcıl böyük uğurlar
Yaşar Vahabzadənin aprelin 1-də ad gününü qeyd edən Vaqif Sadıqovla həmin vaxtdan birgə çıxışı başlayır. Onlar əvvəl “Xəzər”də, sonra Maştağa “Nicat”ında çiyin-çiyinə oynayırlar. Vaqif Sadıqov 1993-cü ildə bu komandada oynayan məşqçi olur və artıq növbəti il “Neftçi”yə baş məşqçi təyin olunur. Yaşar Vahabzadə də həmin vaxt “Neftçi”yə gəlir və artıq müstəqillik dönəmində “ağ-qaralar”ın uğurları üçün çalışır. Həmin dövrlər “Neftçi”nin tarixində ən güclü heyətlərdən biri olur. SSRİ dövründə gələcəyi böyük vəd bir sıra gənc istedadlar həmin vaxt artıq təcrübəli futbolçular kimi komandanı arxasınca daşıyırlar. Nəticədə uğurlar bir-birini əvəzləyir və Yaşar Vahabzadə də bu “qızıl heyət”də olur. O, Vaqif Sadıqovun rəhbərliyi altında ilk dəfə Azərbaycan kubokunun və Superkubokunun qalibi olur, avrokuboklarda iştirak edir, doğma Sumqayıtda ilk xalın qazanıldığı Kipr APOEL-i ilə tarixi matçın iştirakçısı olur.
Ardından “Neftçi”də təcrübəli baş məşqçi Kazbek Tuayevin rəhbərliyi altında daha böyük uğurlar qazanılır - 1995/96 mövsümündə het-trik edilir. Bu, qazanılan çempionluq, kubok və Superlkbok olur. Növbəti mövsümdə daha bir çempionluq və Azərbaycanın tarixində ilk dəfə Çempionlar Liqasında iştirak. Ancaq həmin 1997-ci ildə Polşanın “Vidzev” klubuyla oyun öncəsi iki yerə parçalanma ilə “Neftçi”nin “qızıl heyəti” dağıdılır, bir sıra təcrübəli futbolçular komandadan ayrı düşür. Onların içərisində Yaşar Vahabzadə də olur. Bundan sonra “Dinamo”ya üz tutan yubilyar bir neçə təcrübəli futbolçu və çoxsaylı gənclərlə birgə güclü kollektiv yaradır. Bunun nəticəsi çempionatın gümüş medalı və UEFA kubokuna vəsiqə olur. Yaşar Vahabzadənin avrokuboklarda son çıxışı də həmin vaxt Rumıniyanın “Arceş” klubuna qarşı olur. Futbolçu karyerasına isə ona doğma olan Sumqayıtda - bu dəfə “Kimyaçı” adlanan klubda başa vurur.
Tarixi qol və 40 yaşında vida
Yaşar Vahabzadədən söz düşəndə, ilk olaraq yadıma düşən şeylərdən biri onun karyerasını gec başa vurmasıdır. Bəli, o, yaşıl meydanda çıxışını düz 40 yaşında bitirir. Bu isə milli çempionatımızda heç də hamıya nəsib olmayıb. Özü də Yaşar Vahabzadə bu yaşda da özünü yaxşı tərəfdən göstərir, meydanda “ayaqlarını sürümürdü”. O, eyni zamanda universal futbolçu olması ilə diqqət çəkib. Karyerası boyu daha müdafiənin mərkəzində oynasa da, cinahlarda, dayaq yarımmüdafiəçisi kimi də çıxış edə bilib.
Səbəbkar arxa xətt oyunçusu olsa da, yetərincə məhsuldar futbolçu olub. Onun belə çıxışına hətta daha çox qol gözlənilən ön xətt oyunçuları da həsəd apara bilərdilər. Hələ bir şeyi də nəzərə alaq ki, yubilyarın penalti vurmaqla arası olmayıb. Görün, onda 11 metrlik cərimə zərbələrini dəqiq vurmaq bacarığı olsaydı, nə qədər fərqlənə bilərdi. Təbii ki, Yaşar Vahabzadənin vurduğu qollar arasında elə birisi var ki, o, tarixidir, dəyəri böyükdür. Elə bir qoldur ki, bununla futbolçu öz möhürünü vurub. Bəli, bu, Sofiyanın “Lokomotiv” klubu ilə Bakıdakı matçda qələbə topudur. 1996-cı ilin iyulun 24-də keçirilən həmin oyun Azərbaycan klublarının Tofiq Bəhramov adına Respublika stadionunda ilk matçı kimi tarixə düşüb. Debütdə 2:1 hesablı əzmkar qələbə məhz Yaşar Vahabzadənin 90-cı dəqiqədə vurduğu qolla gerçəkləşir.
Yaxşı yadımdadır, müstəqillik dönəmində mərkəzi arenada ilk dəfə həmin oyunu izləmişəm və söhbət açdığım qol indi də gözümün önündə canlanır. Yaşar Vahabzadə müdafiədən topu götürüb hücuma keçir. Rəqibin ofsayd yaratmaq planını ötürmə vermək yox, özü topla irəliləməklə pozur və uzaq məsafədən gözəl qola imza atır. Bununla da hamımıza unudulmaz sevinc anları bəxş edir. Bu, Azərbaycan klublarının nəinki evdə, ümumiyyətlə, avrokuboklarda ilk qələbəsi kimi tarixə düşüb. Göründüyü kimi, Yaşar Vahabzadə qitə miqyaslı turnirlərdə “Neftçi” ilə həm ilk xalın, həm də ilk qələbənin qazanılmasında iştirak edib.
14 illik yığma karyerası
Səbəbkarın bir çoxlarından fərqli futbol həyatında böyük fasilələr olmayıb. O, yaşıl meydanda çıxışını başa vurduqdan sonra məşqçiliyə başlayıb. 2001-ci ildə Şakir Qəribovla birgə az müddət də olsa, “Neftçi”ni birgə çalışdırıblar. Bundan sonra başlayan yığma karyerası isə indiyədək, yəni 14 ildir davam edir. Yaşar Vahabzadə təkcə U-21-də yox, U-19, U-17-də də işləyib, bir neçə dəfə Avropa çempionatında mərhələ adlayıb. Məşqçilikdə ən yüksək dərəcə olan “Pro” kateqoriyasına sahib olan mütəxəssis Azərbaycan Gənclər və İdman Nazirliyi tərəfindən əməkdar məşqçi adına layiq görülüb. Bu ilin əvvəlində isə AFFA prezidenti Rövnəq Abdullayev onu U-21-nin baş məşqçisi təyin etdi. İndi Yaşar Vahabzadəni qarşıdakı çətin sınaq - 2017-ci ildə Avropa çempionatının seçmə mərhələsi gözləyir.
Vahabzadələr həm də idmançı ailəsidir. Belə ki, Yaşar müəllimin həyat yoldaşı Esmira Vahabzadə Azərbaycanın ən güclü, məşhur hənbolçularından olub. Oğlu Fuad isə peşəkar səviyyədə futbolla məşğul olub, atası kimi müdafiəçi olub.
Yubileyiniz mübarək, Yaşar müəllim!
Mehman SÜLEYMANOV
Şərh yazılmayıb
|
ŞƏRH YAZ
|
Çox oxunan xəbərlər
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- FİFA AFFA-nın konfransında azərbaycanca danışacaq - ÖZƏL
- Asif Məmmədov: “Kimsə bunu sübut etsə, üzr istəməyə hazıram”
- Zaur Qəhrəmanovun “Neftçi”dən getməsinin səbəbi məlum oldu
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Rövşən Nəcəf: “Etimadı doğrultmaq üçün əlimdən gələni edəcəm”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Prezidentin nəvəsindən Qara Qarayevə dəstək
- Azər Bağırov: “Futbolçular tapşırıqları icra etmirlər”
- “Aznur”un baş məşqçisi: “Mənim üçün “Birbaşa Bakı” “Zirə”dən daha narahat rəqibdir”
-
23:25
"Neftçi" azarkeşlərinə çağırış etdi
-
23:08
Renat Dadaşov "Başakşehir"ə qol vurdu
-
21:16
Samir Abasov Xavi ilə görüşdü
-
20:27
Şahin Diniyev: “Avrokuboklara getməmək dünyanın sonu deyil”
-
19:53
"Səbail" səfərdə məğlub oldu
-
17:00
Azərbaycan bədii gimnastları beynəlxalq turnirdə 5 medal qazanıblar
-
16:32
Krivostyukun komandası mövsümdə ilk qələbəsini qazandı
-
13:49
Azərbaycanın idmançıları Prezident Kubokunda mübarizə aparacaqlar
-
12:24
Azərbaycan taekvandoçuları Prezident kubokunda 6 medal qazanıb
-
11:50
32-ci turun hakim təyinatları
-
11:38
Azərbaycan Boks Federasiyasının rəsmiləri Naxçıvanda fəaliyyət göstərən məşqçilərlə görüşüb
-
11:13
Bakı Marafonunda iştirak üçün 15-dən çox ölkənin vətəndaşları qeydiyyatdan keçib
-
10:56
Arda Gülər "Real"a qələbə qazandırdı VİDEO
-
10:42
İnfantino "Qarabağ"ı təbrik edib
-
10:29
Bundesliqa: 31-ci turun açılış oyununda 5 qol VİDEO
-
10:17
"Traktor" 1/4 finala yüksəlib
-
10:00
Şahruddin "Qalatasaray"a qarşı belə oynadı VİDEO
-
09:51
Millimiz Monteneqronu məğlub edib FOTOLENT
-
20:28
Hidayətdən 4-cü Avropa çempionluğu
-
18:13
“Neftçi” - “Turan Tovuz” oyununun biletləri satışd
-
18:00
Azərbaycan gimnastı: “Rəqiblərimiz bizdən çəkinirlər”
-
16:39
Azərbaycan millisinə yeni idman direktoru təyin edilib
-
16:17
Azərbaycan birinciliyi və Bakı çempionatı başa çatıb
-
15:51
Kubokun finalı: Nominal meydan sahibi və başlama saatı müəyyənləşdi
-
15:26
Millimizin üzvü Macarıstanda bürünc medal qazandı
-
13:42
“Ağdaş”ın baş məşqçisinə 5 oyunluq cəza
-
13:30
AFFA 7 klubu cərimələdi
-
13:13
“Futbolu da basketbol qədər izləyirəm”
-
12:45
Azərbaycan çempionatlarında növbəti turların proqramı açıqlanıb
-
11:34
İvan Brkiç: “Neftçi”nin şərəfi uğrunda canımızı meydanda qoymalıyıq”
-
11:08
AFFA Salyanskini əfv etmədi
-
10:21
Samir Abasov “Barselona”nın prezidenti ilə görüşdü FOTOLENT
-
09:59
"Karvan"dan 4 qollu qələbə VİDEO
-
09:47
Mahir Emrelidən Azərbaycan cüdoçularına dəstək
-
09:30
Musa Qurbanlı oynamadı, komandası yenə uduzdu VİDEO
-
23:55
Azərbaycan millisindən 2 bürünc medal
-
23:07
Azərbaycan paraüzgüçüsü Avropa Açıq Çempionatında üçüncü medalını qazanıb
-
21:31
Şahmat üzrə Azərbaycan çempionu bəlli oldu
-
20:42
Azərbaycan kubokunda finalçılar müəyyənləşdi
-
20:19
Cüdoçumuz Avropa çempionatının finalında uduzdu
-
18:28
"Bağçam"ın IV Şahmat Festivalı başa çatdı
-
17:50
U-17 millimiz Özbəkistana məğlub olub
-
17:36
AFFA Premyer Liqa klublarının maliyyə menecerləri üçün seminar keçirib
-
17:14
Heydər Əliyevin anadan olmasının 101-ci ildönümünə həsr olunmuş futzal turniri başlayıb
-
16:43
Əliyar Ağayev Fatih Terimin komandasının oyununda
-
16:27
Ağadadaş Salyanski: “Bojoviç nə qərar versə, o da olacaq”
-
16:05
Şahin Bağırov Bərdədə voleybol klubunun ilk məşqini izləyib
-
15:52
Azərbaycanlı basketbol məşqçilərinə sertifikatlar təqdim olunub
-
15:38
PSJ-nin prezidenti "Qarabağ"ı təbrik etdi
-
15:11
"Qəbələ"nin futbolçusu əməliyyat olunub