Azərbaycan kuboku: yarımfinal oyunlarından hansının vaxtı dəyişəcək?

Aprelin 13-də Azərbayvan kubokunun yarımfinal mərhələsinin ilk oyunları keçiriləcək. Futbolxeber.az-ın məlumatına görə, ilk oyunlarda ev sahibi qismində “Neftçi” və “Qarabağ” çıxış edəcək. Bu komandalar isə hazırda ev oyunlarını “Bakcell Arena”da keçirirlər. Məhz bu səbəbdən də ya “Neftçi”nin, ya da “Qarabağ”ın ilk oyununun vaxtı dəyişməlidir.

Məsələ ilə bağlı Peşəkar Futbol Liqasının İnformasiya və İctimaiyyətlə Əlaqələr Departamentinin rəhbəri Aslan Şahgəldiyev Futbolxeber.az saytına bunları deyib: “Həqiqətən də hər iki komanda ev oyununu “Bakcell Arena”da keçirdiyindən dəyişiklik qaçılmazdır. Lakin hələlik hansı dəyişikliyin baş verəcəyi bilinmir. Dəqiqləşən kimi, bu haqda mətbuata açıqlama veriləcək”.