Bəhram Bağırzadə: “Mənə “Xəzər Lənkəran”la yox, “İnter”lə oyun maraqlıdır”

“Neftçi”nin Müşahidə Şurasının üzvü Bəhram Bağırzadə “ağ-qaralar”ın qarşıdakı oyunları haqda danışıb. Futbolxeber.az-ın məlumatına görə, Bağırzadə “İnter”lə kubok oyununda qələbəyə ehtiyac duyduqlarını bildirib: “Son zamanlar ictimai işlərlə məşğul oluram, vaxtım yoxdur. Bakı-2015-də çimərlik futbolu üzrə ulduz səfirəm. “Neftçi” futbol klubunun Müşahidə Şurasının üzvüyəm. Çingiz Abdullayevin köməkçisi kimi işləyirəm. Artıq məni idmana dartıblar. Yaradıcılığımda əldə etdiyim uğurları idman sahəsində də əldə etmək istəyirəm.  Aprelin 9-u “Xəzər Lənkəran” - “Neftçi”,  13-ü isə “Neftçi”- “İnter” oyunu var. Mənə “İnter”lə oyun maraqlıdır, orda bizə qələbə lazımdır. Lənkərandakı oyunda isə qonağıq. Oyun heç-heçə bitsə də, normaldır. O oyunda iddiamız yoxdur. “İnter”ə qalib gəlməliyik ki, finala  çıxaq. İndi fikirlərim yalnız yarımfinaldadır” (Qafqazinfo.az).